ملخص تصريحات كابتن محمود الخطيب
محمود الخطيب عبر قناة الأهلي:
من ثوابت النادي عدم الظهور الإعلامي الكتير .. لكن المرة دي كان لازم نطلع نتكلم مع حضراتكم لتوضيح بعض الأمور بعد الإخفاق الأخير اللي بيحدث لأنكم الداعم الأول والرئيسي لمنظومة النادي الأهلي
وصلنا إلى نهائي دوري الأبطال 5 مرات في 6 سنوات وهذا أمر لم يحدث في العالم
الأهلي خسر بطولة إفريقيا في المرة الثالثة للأسف بمساعدة بعض الأشخاص من مصر
الاهلي حقق 12 بطولة في 4 سنين ,, لو دورنا في العالم كله هنلاقي الاهلي رقم 1 في اخر 4 سنين تحقيقا للبطولات , متخلوش حد يشكك في ناديكم
لجنة وزارة الشباب والرياضة قالت إن اتحاد الكرة مدان في أزمة خطاب الكاف .. لغاية انهاردة مفيش حد اتحاسب.
من السنة اللى فاتت مش بس السنادى التحكيم تحتيه مليون علامة استفهام
هل منطقي أن يتم معاقبة النادي من خلال ضغط المباريات لأنه يشرف الكرة المصرية في البطولات القارية؟
فيه عوامل خارجية بتؤدي انها بتحبط لاعبيتنا ومنها التحكيم من السنة اللي فاتت والف خط يتحط تحت التحكيم ، خليك عادل وادي لكل واحد حقه ، هناك اخطاء تحكيمية فجة وكلها ضد الاهلي وهناك مجاملات في اتجاهات اخرى ، النادي الاهلي بيطلب العدل بس
حللنا آخر 3 مواسم من فترة وتوقعنا هبوط للمستوى .. 3 مواسم متلاحمة من غير راحة .. لاعيبة الأهلي أكتر لاعيبة لعبت ماتشات .. وعدد السفر .. تم استنزاف اللاعيبة دي بالإضافة إلى ضغط الماتشات المحلية تسببت في إصابات كبيرة وكتيرة جداً
موسيماني بالارقام والتاريخ حقق حاجات كويسة جدًا ، كان فيه مشروع تبع اتحاد الدولي في المغرب والراجل راجع الساعة 10 باليل وقعدنا معاه الساعة 11 ونص باليل وقولناله الفترة الجاية ان الموسم صعب وقولناله ايه الدعم اللي انت عايزة عشان ننهي الفترة الجاية بشكل كويس لانها حاسمة ، فاجأنا انه صحيًا ونفسيًا مش قادر يكمل ودي كانت مفاجأة وقلنلهاله فكر 24 ساعة لاننا محتاجينك ، فا كلمنا بعد 24 ساعة واعتذر ولتاريخة معانا كل حاجة انتهت بهدوء
قررنا إننا يكون في راحة للاعيبة اللي كانت بتلعب 3 مواسم وراء بعض والدفع باللاعيبة الصغيرين واللي راجعين من إصابة واللي مخدوش فرصة إحنا دلوقتي بنعد للموسم الجديد عشان نرجع بدوافع تانية
انتقدوا لكن لا تهدموا ولا تسمحوا للمغرضين بالدخول في ذلك الامر
في تدعيم قوي جدًا في بعض المراكز اللي احنا محتاجينها ، ودا ميقللش من اللاعيبة الموجودة لانها من اميز اللاعبين الموجودين ، شركة الكرة بقت موجودة في ادارة منظومة الكرة في النادي الاهلي بالتنسيق مع مجلس الادارة لان لازم المجلس يدعم كل قرار
التجاوزات في حق النادي والتقليل من بطولاته وتاريخه في الإعلام وقت الإخفاق .. هل ده مخطط ؟ بنرى بوضوح إن في تربص واستهداف .. فين المجلس الأعلى لتنظيم الإعلام؟ اشتكينا قبل كده وناس بتجرح كل يوم وأحنا ردينا مرة عملت تحقيق مع الاتنين .. بس محدش بيعمل حاجة
النادي الاهلي مش سليط اللسان ولا بذيء ولا عمره كان كدا
لازم المجلس الأعلى للإعلام يكون له دور أقوى من كده .. ميجيش على رد الفعل ويسيب الفعل
النادي الأهلي بيتبع كل الطرق القانونية لأخذ حقوقه واحنا صوتنا عالي في الحق والنادي الأهلي عمره ما كان ضعيف ، بس الأهلي مش سليط اللسان ومش سباب ولا فاحش ولا بذيئ ، الأهلي أكبر من كدة بكتير
النادى الاهلى نشأ وطنيآ و سيظل نادى الوطنية و داعم للقيادة السياسية و لا تسمحوا لاحد المزايدة على وطنية الاهلى