كولر الجميع يحدثني عن مباراة الزمالك ولكن لم أفكر فيها
تصريحات المدير الفني للأهلي كولر في المؤتمر الصحفي لمباراة الأهلي وأسوان
تحدث مارسيل كولر في المؤتمر الصحفي بعد انتهاء مباراة الأهلي وأسوان، عن بعض الأمور الهامة التي تخص الفريق. لعل أبرزها،الحديث عن مباراة الزمالك في السوبر المصري.
حيث قال :من يوم ما وقعت عقدي مع الأهلي والجميع يتحدث عن مواجهة الزمالك وانا لا أفكر في ذلك.
بينما تحدث كولر عن مواجهة اسوان قائلا : كانت مباراة صعبة وبدأنا أول ربع ساعة بشكل كويس لحد ما جبنا الجول صعبنا المباراة على نفسنا وبعدين حصل مشكلة تركيز واستمرت لنهاية المباراة من حيث التمرير والتمركز وده سبب خطورة علينا بدون داع.
وتابع : محتاجين نشتغل اكتر من كدا الفترة اللي جاية وخاصةً على نقطة التركيز وأكيد المباراة كان فيها أوقات كويسة ولكن مش ده اللي انا عاوزه ومستني.
المشكلة الأساسية النهارده كانت التركيز ودي مشكلة اللاعب نفسه .. لازم كل لاعب يكون مركز طوال المباراة مش اوقات واوقات،في النهاية ١/٠ مكسب وانا سعيد بالطبع بالمكسب وتحقيق الثلاث نقاط.
وعن مباراة الزمالك قال كولر : لأستطيع الدخول في دماغ اللعيبة واعرف ايه المخاوف او بيفكروا ازاي وانا عن نفسي مبفكرش غير في المباراة اللي انا فيها وقبل مباراة اليوم لم افكر نهائياً في مباراة الزمالك.
وواصل : تغيرات اليوم لم تكن بسبب مباراة السوبر.نمتلك عدد كبير جداً من اللاعبين ولذلك أحاول أن أعطي الجميع دقائق في المباريات حتى أراهم في الملعب. لان المباريات غير التدريبات
أسوان دافعت بشكل كويس جداً وده عملوه الماتش اللي فات وانا تابعتهم وعارف أنهم بيعملوا كدا والنتيجة النهارده ساعدتهم على ده وهما حاولوا لآخر دقيقة لتسجيل هدف مستغلين الأخطاء.
انا مش عاوز دايما نكون تحت ضغط وعاوز نجيب اجوال بدري تريحنا منفضلش مستنين لآخر دقيقة.
وأختتم كولر حديثه عن لاعب الوسط أليو ديانج: خروج ديانج بسبب شكوى بسيطة في العضلة الخلفية. وفضلت تبديله على الرغم من طلب اللاعب الاستمرار في الملعب.